01.09.2020
Дзень Ведаў!
1 верасня чарговы раз нашы выхаванцы сабраліся пасля летняга адпачынку. Усе выраслі, загарэлі, адпачылі і прыйшлі ў свой родны дзіцячы сад. Пачынаецца новы навучальны год: заняткі, гутаркі, святы, якія дапамагаюць лепш спазнаць навакольны свет, шмат чаму навучыцца.
У нашым дзіцячым садзе першы дзень новага навучальнага года прайшоў, як заўсёды, ярка і эмацыйна.
На свята да дзяцей прыйшла Маша з Мішкам, якая загадвала дзецям загадкі, гуляла з імі ў гульні, дзеці спявалі, танцавалі і распавядалі вершы.
З вялікай цікавасцю дзеці ўдзельнічалі ў гульнях і спаборніцтвах. У канцы свята мішка і Маша пажадалі ўсім добрага навучальнага года.
Вось так весела, цікава, святочна пачаўся новы навучальны год у нашым дзіцячым садзе. Дзеці атрымалі велізарную радасць ад свята і шмат нечаканых і яркіх уражанняў.
