15.03.2018
Беларускамоўны дзень “Галоўны Закон нашай краіны”
15 сакавіка наша краіна адзначала асаблівае свята – Дзень Канстытуцыі. У гэты дзень ва ўсіх узроставых групах прайшлі тэматычныя заняткі на тэмы «Мая Радзіма – Беларусь», «Герб, сцяг, гімн Рэспублікі Беларусь», «Жыву ў Беларусі і гэтым ганаруся».
Гэтая дата прыпала на беларускамоўны дзень, дзе ў нашай установе дашкольнай адукацыі прайшлі тэматычныя мерапрыемствы ва ўсіх узроставых групах.
Паўлоўская Антаніна Тадэвушаўна, выхавацель старэйшай групы №2 у гульнявой форме замацавала з выхаванцамі асноўныя веды аб сваіх правах, запісаных у Канстытуцыі, засвоілі, што яны з'яўляюцца грамадзянамі Рэспублікі Беларусь, маюць права на пражыванне ў сям'і, бясплатную адукацыю, медыцынскую дапамогу, імя, замацаванае дакументам – пашпартам. Нашы маленькія грамадзяне даведаліся, што выконваць законы нашай краіны – гэта старанна займацца, ахоўваць прыроду, выконваць правілы паводзін у грамадскіх месцах, паважаць працу дарослых. А музычны кіраўнік Канановіч Марына Мікалаеўна ў святочна ўпрыгожанай музычнай зале правяла з дзецьмі музычныя гульні «Бубен», «Грушка». Дзеці чыталі вершы аб Радзіме, выканалі песню «Званочак грае», беларускую польку «Весялуха», танцавальна-гульнявую кампазіцыю «Ручаёк».
У старэйшай групе №2 Ярашэвіч Людміла Іванаўна, выхавальнік дашкольнай адукацыі, дала дзецям ўяўленне аб Канстытуцыі як асноўным законе дзяржавы, дакуменце, у якім адлюстраваны правы і абавязкі грамадзян нашай краіны, пазнаёмілі дзяцей з паняццем "закон", «парадак», «права». Выхаванцы замацавалі свае веды аб сімволіке Беларусі, разам з дарослымі слухалі і пелі гімн Беларусі.
Вучні 1 класа разам з выхавальнікам Прыбаровіч Анжалікай Ўладзіміраўнай наведалі выставу, прысвечаную Дню Канстытуцыі, якая была арганізавана супрацоўнікамі цэнтральнай раённай бібліятэкі імя В.Ф. Праскурава.
На працягу ўсяго дня педагогі правялі вялікую працу па выхаванню ў нашых дзяцей павагі да закона, як правіла жыцця грамадзян, а таксама імкненню ведаць і выконваць законы Рэспублікі Беларусь.