21 лістапада ў дзяржаўнай установе адукацыі “Дзіцячы сад №7 г.Ганцавічы” прайшоў беларускамоўны дзень па тэме “Па старонках роднай мовы”.

Выхаванцы пазнаёміліся з творчасцю знакамітага беларускага пісьменніка Якуба Коласа, а таксама з яго вершам “Адлет жураўлёў”.

У кутку “Дзіцячая бібліятэка” для выхаванцаў была арганізавана выстава кніг, надрукаваных на роднай беларускай мове. Дзяцей вельмі зацікавілі казкі, вершы, загадкі і малюнкі, адлюстраваныя у кнігах.

Цікавымі атрымаліся драматызацыі казак “Коцік, пеўнік і лісіца”, “Рукавічка”. Пры выкананні ролі, кожны стараўся правільна вымаўляць беларускія словы і праяўляць творчасць.

На працягу ўсяго дня гучала родная беларуская мова, а літаратурныя творы беларускіх пісьменнікаў дапамагалі паказаць яе непаўторнасць і прыгажосць.